Nova York, 1887. A nova xornalista Nellie Bly finxe perder a razón co único obxectivo de ingresar no manicomio de Blackwell para escribir con todo detalle unha reportaxe sobre os abusos que sofren as pacientes recluídas nesa institución. Unha vez dentro, a realidade superará con fartura os seus peores temores.
A guionista Virginie Ollagnier e a debuxante Carole Maurel afrontan o reto de plasmar en viñetas a vida da pioneira do xornalismo de investigación Nellie Bly e de reconstruír un das súas reportaxes máis soadas e de maior repercusión social.