Tres amigos de terceiro de bacharelato e os dilemas da vida nese momento crucial no que o mundo adulto vaise achegando e hai que tomar decisións.

O protagonista, Taichi Ichinose, é un mozo bastante seco, que non adoita exteriorizar o que lle ocorre, e que prefire manterse afastado do resto. Pero a súa compañeira de clase, Futaba Kuze, acaba convencéndoo para que a axude a ter unha cita co seu amigo da infancia, Touma Mita, un dos mozos máis populares do colexio. Eses que son simpáticos, alegres, bos en todo o que fan e admirados. Ou sexa, todo o contrario a el. Por suposto que as cousas non serán tan sinxelas, nin os sentimentos tan correspondidos, polo menos no sentido máis tradicional e esperado neste tipo de mangas. Unha especie de triángulo amoroso vaise formando (en todo o sentido da palabra), no que inicialmente todos parecen perder.

“Ao non Flag” é un dos éxitos máis recentes saídos de Xapón, que mestura xéneros clásicos dunha forma moi orixinal e con diferentes matices. É un shonen romántico, con humor, pero que non perde a oportunidade de facer certas reflexións sobre o que somos, o que se espera de nós, sobre a vida adulta, o amor en todas (de verdade, todas) as súas formas e as decisións de vida.

A súa realización está a cargo de Kaito (Cros Manage, Buddy Strike) e se serializa na Shonen Jump + (versión dixital da popular revista).

1º-2º ESO

3º-4º ESO