No desértico planeta Arrakis, a auga é o ben máis prezado e chorar aos mortos, o símbolo de máxima prodigalidade. Pero algo fai de Arrakis unha peza estratéxica para os intereses do Emperador, as Grandes Casas e a Confraría, os tres grandes poderes da galaxia. Arrakis é a única orixe coñecida da melange, preciosa especia e un dos bens máis cobizados do universo.

Ao duque Leto Atreides asígnaselle o goberno deste mundo inhóspito, habitado polos indómitos Fremen e monstruosos vermes de area de centenares de metros de lonxitude. Con todo, cando a familia é traizoada, o seu fillo e herdeiro, Paul, emprenderá unha viaxe cara a un destino máis grande do que xamais puidese soñar.

Mestura fascinante de aventura, misticismo, intrigas políticas e ecoloxismo, Dune converteuse, desde o momento da súa publicación, nun fenómeno de culto e na maior epopea de ciencia-ficción de todos os tempos.

1º-2º ESO

3º-4º ESO

1º-2º BAC